Жалпы ережелер Корпоративтік табыс салығы. Салықтық бақылау және салықтық әкімшілендірудің өзге де нысандары.
Кезең: 2025 жыл
Өлшем бірлігі: теңге
Жер қойнауын пайдаланушы болып табылмайтын және қосылған құн салығы бойынша тіркеу есебінде тұрмайтын "Қаңтар" ЖШС (резидент) бойынша 2025 жылға мынадай ақпарат бар:
- 100.00.001 "сатудан түскен табыс" жолына салық тіркелімі (бірл.өз. теңге)
| № | Табыс түрі | Есеп шоты | ҚҚС-сыз сомасы |
| 1 | Тауарларды өткізуден түсетін кіріс | 6010 | 50 015 000 |
| 2 | Жұмыстарды, қызметтерді сатудан түскен кіріс | 6010 | 10 000 000 |
| 3 | Бұрын танылған табыс бағасынан жеңілдік | 6030 | (100 000) |
| 4 | Операциялық жалдаудан түсетін кіріс | 6110 | 1 750 000 |
- Басшылық 2025 жылғы 01 қаңтардан бастап есеп саясатына "Қорларды есепке алу" бөліміне өзгерістер енгізу және бұрын қолданылған орташа өлшемді құн әдісінің орнына FIFO әдісі бойынша қорларды есепке алуды жүргізу туралы шешім қабылдады. Бухгалтер ХҚЕС (IAS) 8 "Есеп саясаты, бухгалтерлік бағалардағы өзгерістер және қателер" сәйкес 2025 жылғы 1 қаңтардағы жағдай бойынша қорлардың құнын қайта есептеуді жүргізді.
“Жылдық жиынтық табысты түзету " салық тіркелімі
| Қорлардың атауы | Орташа өлшемді құн әдісіне сәйкес қорлардың құны, теңге | FIFO әдісіне сәйкес қорлардың құны, теңге | Түзету сомасы( + ) ұлғайту /(-) азаюы) |
| Шикізат | 1 300 000 | 1 500 000 | 200 000 |
| Дайын өнім | 4 100 000 | 4 200 000 | 100 000 |
| Тауарлар | 14 060 000 | 14 200 000 | 140 000 |
| Барлығы | 19 460 000 | 19 900 000 | 440 000 |
- Бастапқы бухгалтерлік құжаттардың деректері бойынша материалдарды, тауарларды, жұмыстар мен көрсетілетін қызметтерді сатып алды:
1) 15 800 000 теңге сомасына шикізат, материалдар, сатып алынатын бұйымдар мен жартылай фабрикаттар;
2) 420 000 теңге сомасына қаржылық қызметтер;
3) жарнамалық қызметтер 220 000 теңге;
4) 800 000 теңге сомасына консультациялық қызметтер;
5) 450 000 теңге сомасына маркетингтік қызметтер;
6) 250 000 теңге сомасына дизайнерлік қызметтер;
7) электр энергиясы, коммуналдық және басқа да қызметтер мен жұмыстар 17 660 000 теңге.
Жүргізілген түгендеудің түгендеу тізімдемелерінің деректері бойынша қаржылық есептілікті жасау алдында 31.12.2024 жылғы жағдай бойынша ТМҚ қалдығы - 19 458 677 теңге.
- "Қызметкерлердің есептелген кірістері және жеке тұлғаларға өзге де төлемдер бойынша шығыстар" жолына салық тіркелімі
| № | Көрсеткіштер | Өлшем бірлігі | 1 тоқсан | 2 тоқсан | 3 тоқсан | 4 тоқсан |
| 1. | Қайта мамандануға арналған шығыстарды есепке алмағанда, еңбекке ақы төлеуге есептелген және төленген шығыстар | Мың теңге | 2 790 | 2 830 | 3 020 | 3 200 |
- Сонымен қатар, 2025 жыл ішінде белгілі:
1) салық төлеуші Бірыңғай жинақтаушы зейнетақы қорының зейнетақы қағидалары бойынша төлеген 75 000 теңге мөлшеріндегі міндетті кәсіптік зейнетақы жарналары;
2) 1 340 мың теңге сомасына түгендеу нәтижелері бойынша пайдаланылмаған қалдық, ескірген материалдар есептен шығарылды;
3) ЖШС басқа заңды тұлғаның жарғылық капиталына салым ретінде бастапқы құны 2 340 000 теңге аяқталмаған құрылыс объектісін берді, салым құны 4 500 000 теңге мөлшерінде бағаланды;
4) ЖШС 6 540 000 үшін борышты талап ету құқығына ие болды, негізгі борыштың талабы бойынша борышкерден алынатын сома 8 970 600 теңге;
5) салықтар, әлеуметтік аударымдар бойынша: (теңге)
| Декларация бойынша | Есептелген | Төленген | Ескертпе |
| КТС | 98 970 | 110 730 | 2025 жылдың басында бересі мен артық төлемі жоқ |
| Әлеуметтік салық | 292 600 | 305 400 | 2025 жылдың басында 31,4 мың теңге мөлшерінде бересі бар |
| Әлеуметтік алымдар | 70 100 | 90 500 | 2025 жылдың басында 100,2 мың теңге мөлшерінде бересі бар |
| МӘМС-ға аударымдар | 70 000 | 72 000 | 2025 жылдың басында бересі мен артық төлемі жоқ |
| ЖТС | 310 456 | 303 000 | 2025 жылдың басында бересі мен артық төлемі жоқ |
| Мүлік салығы | 160 500 | 142 000 | 2025 жылдың басында 130,5 мың теңге артық төлем бар |
| Көлік құралдарына салынатын салық | 214 700 | 294 000 | 2025 жылдың басында 96,5 мың теңге бересі бар |
| Салықтық тексеру актісі бойынша | Есептелген | Төленген | Ескертпе |
| Көлік құралдарына салынатын салық | 151 300 | 0,0 | |
8) салықтық есепке алу бойынша тіркелген активтер бойынша амортизациялық аударымдар 2025 жылы 1 970 000 теңгені құрады;
9) кәсіпкерлік қызметті шектеуге келісім бергені үшін 1 450 000 теңге кіріс алынған.
10) демалыстар бойынша 1 012 500 теңге мөлшерінде резерв есептелді.
11) сондай-ақ 2024 жылдың нәтижелері бойынша жер учаскесін өткізуден 250 000 теңге мөлшерінде залал алынғаны белгілі (анықтама ретінде: 2024 жылғы 1 қаңтардағы жағдай бойынша басқа да ауыстырылатын залалдар).
Талаптар: - Жылдық жиынтық табыстың сомасын айқындау
- Шегерімдер сомасын анықтаңыз.
- Салық салынатын кірістің мөлшерін анықтаңыз.
- Есепті кезеңде есептелген корпоративтік табыс салығының сомасы айқындау.
- Есепті кезең үшін төленуге тиісті корпоративтік табыс салығының сомасы айқындалсын.
- Корпорациялық табыс салығы бойынша декларацияны табыс ету мерзімі мен нысанын көрсету.
- Салық салынатын айналым 20 000 АЕК-тен асқан жағдайда салық төлеушінің іс-әрекетін көрсету.
